首頁 » » 東網透視:80後美女義剪兼授徒 助青年脫頹

東網透視:80後美女義剪兼授徒 助青年脫頹

作者:Gina 發表日期:2017-11-11 11:02:05 分類:

「剪髮行業畀人嘅感覺係讀唔成書先去做,我覺得自己做呢行係可以好有成就,亦可以幫到人,為自己感到驕傲!」80後髮型師Teresa,由洗頭妹做起,花了6年時間成為髮型師,2003年與友人齊齊開設屬於自己的髮型屋,過去十多年為行動不便的公公婆婆「義剪」頭髮,近期更透過「友‧師傅髮展計劃」收納學徒,誘導年輕人重拾人生目標,回饋社會。

「我細細個就好關注全家人的髮型,會管媽媽髮型,叫佢唔好剪短,唔好電攣。」Teresa在中學時期不理親友反對,堅持在髮型屋當兼職洗頭妹,由低做起,中五畢業即轉全職,磨練6年終於榮升為正式的髮型師。「髮型師行業畀人感覺好頽,係流氓,讀唔成書,壞女先去做……我覺得唔係囉,我真係好鍾意髮型師工作。」Teresa已投身髮型行業19年。

自小由外婆照顧的Teresa,眼見外婆一次跌倒後不便外出剪髮,便開始為外婆剪髮,亦展開其「義剪」之路。最初聯絡社會福利署義務為行動不便的安老院長者剪髮,現時會上門為行動不便的獨居長者義剪:「我覺得幫到人,又幫到自己,幫啲公公婆婆剪完頭髮,見到佢哋好開心,都有幸福嘅感覺。」

Teresa現透過義務理髮團隊「易剪義」旗下的「友‧師傅髮展計劃」收納學徒,25歲的Man是其中學員,Man坦言中四輟學後過着很「頹」的生活,終日無所事事,「打機、踢波又一日,唔知自己做咩」,曾當過兼職倉務員和餐廳雜工,直至20歲開始當洗頭仔,跟隨Teresa學習,近月開始參加義剪,已兩次為長者義剪:「好多公公婆婆年紀大,唔太行得,可幫佢哋解決煩惱,我從中搵到成功感,覺得幾好。」

現年88歲的婆婆葉潤,10年前因關節退化進行換膝蓋手術,近年因腳痛鮮有外出。葉潤獲安排上門義剪,在剪髮過程中,她不時呻:「隻腳好痛呀,平時要人哋得閒先同我去剪,好唔方便。」剪髮結束後,她開心地豎起手指公說:「very good(非常好)、好手勢呀。」


本文来源:http://hk.on.cc/hk/bkn/cnt/news/20171111/bkn-20171111084958746-1111_00822_001.html

Tag:
本文鏈接:http://www.bbqbarbecues.com/38483.html